Legjenda e Liverpool-it, Steven Gerrard, është gati ta provojë aventurën e dytë si trajner në Premier Leauge dhe të tretën në karrierën e tij.
Sipas asaj që shkruan “Sky Sport”, Leeds United e ka kontaktuar Gerrard-in për ta emëruar trajner të tyre.
Pas shkarkimit të Jesse Marsch klubi ende nuk ka gjetur pasuesin e tij dhe kjo për shkak të formës së skuadrës, ndërsa Gerrard, sipas mediave britanike, është i gatshëm të marrë drejtimin e Leeds.
Ish-kapiteni i Liverpool është i papunë nga tetori vitit të kaluar, kohë kur u largua nga Aston Villa dhe gjatë kësaj jave pritet që palët të vendosin për të ardhmen.
Gerrard pati një përvojë të suksesshme si trajner i skocezëve ta Rangers, ku gjatë periudhës qershor 2018 – nëntor 2021 e drejtoi klubin në 193 ndeshje, prej të cilave 65 për qind ishin fitore.
Ndërkohë, te Aston Villa, Gerrard e drejtoi klubin në 40 ndeshje, ku mori 13 fitore, tetë barazime dhe 10 humbje.
Kujtojmë që Leeds United aktualisht mban vendin e 17-të në Premier Leauge me 19 pikë, një më shumë se zona e rrezikshme. /Albanianpost.com