Në ambientet e Kalasë së Prizrenit, që nga viti 1952 është vendosur një rezervar i ujit që po sjell mjaft telashe në këtë objekt të rëndësishëm të trashëgimisë kulturore. Udhëheqësi i punimeve në kala, Shafi Gashi, thotë se rrjedhjet e ujit janë të shpeshta si dhe jashtë kontrolli.
Edhe banorët e kësaj pjese thonë se nga uji i pakontrolluar që derdhet, po u dëmtohen shtëpitë.
Menaxheri teknik i Hidroregjionit Jugor, Aranit Ukimeri, thotë se defekti është sanuar. Por kompania nuk ka buxhet për të evakuuar këtë rezervuar.
Kalaja e Prizrenit është ndër objektet më të rëndësishme të qytetit historik, që tërheq shumë vizitorë në çdo stinë.
Hapësirat e kalasë në Prizren po dëmtohen nga rrjedhja e rezervuarit të ujit i vendosur para gjashtë dekadash