Marcelo Bielsa iu rikthehet profesionit të trajnerit, të cilin nuk e ushtronte që nga 28 shkurti i vitit të kaluar.
Trajneri argjentinas ka firmosur zyrtarisht marrëveshjen me Federatën Uruguaiane, për të marrë drejtimin e skuadrës përfaqësuese.
Uruguai drejtohej nga trajneri i përkohshëm Marcelo Broli, i cili mori vendin e Diego Alonso-s, i larguar pas dështimit për të kaluar fazën e grupeve në Kupën e Botës në Katar.
Kandidatët për stolin e Uruguait ishin të shumtë, megjithatë drejtuesit e federatës kanë zgjedhur “El Loco”-n, i cili në të shkuarën ka bërë mjaft mirë edhe në përfaqësuese si Argjentina dhe Kili.
Bielsa ishte i papunë që prej shkarkimit nga Leeds United më 27 shkurt të vitit të kaluar.
Palët kishin nisur negociatat prej javësh, megjithatë zyrtarizimi erdhi vetëm tani, me Bielsa-n që është gati për një tjetër aventurë.
Përveç klubeve dhe kombëtareve të lartcekura, Bielsa ka drejtuar edhe Athletic Bilbao-n, Espanyol-in, Marseille-n, Lille-n etj.Albanian Post