Pasagjeri që ishte ulur pranë burrit gjatë fluturimit me aeroplan për në Korenë e Jugut i cili hapi derën emergjente, thotë se ishte tmerruar dhe vazhdimisht mendonte se do të vdesë derisa era e fortë futej në kakbinë dhe frymëmarrja po vështirësohej.
Lee Yoon-Joon e përshkroi momentin, kur burri hapi derën pa ndonjë mjet në aeroplan, transmeton Telegrafi.
“A do të vesë”, kujton ai momenti kur dera e aeroplanit u hap derisa po fluturonte.
Lee shihet në videon që po qarkullon në masë të madhe – ku dera e hapur i kishte krijuar atij probleme në frymëmarrje derisa fluturakja ishte në ajër.
Në momentin kur u hap dera, aeroplani po fluturonte në mbi 200 metra lartësi dhe piloti u detyrua të bëjë ulje emergjente.
Kapiteni Sully Sullenberger që u bë i njohur me aterrimin e aeroplanit në lumin Hudson, pasi kishte humbur të dy motorët e fluturakes, tha për ABC se bazuar në shpejtësinë me të cilën po lëvizte aeroplani, pasagjerët janë ballafaquar me erëra të forta – ekuivalente me ato të uraganit të kategorisë së pestë.
E si preventivë, Asiana Airlines ka ndaluar uljen e pasagjerëve pranë derës emergjente, me qëllim që të mos ndodhin raste të ngjashme në të ardhmen. /Telegrafi/