Në Prizren është hapur Panairi i Artizanaleve.
Në këtë panair po marrin pjesë zejtarët nga Kosova, Shqipëri, Maqedonia Veriore dhe Mali i Zi.
Mbyllet të dielën, në orën 19:00.
Përveç shitjes së prodhimeve, panairi synon promovimin e vlerave të trashëgimisë kulturore tradicionale dhe shkëmbimin e punimeve artizanale ndërmjet vendeve të rajonit.
“Përmes këtij aktiviteti dëshirojmë të ofrojmë një platformë për produktet e bukura dhe origjinale të artizanaleve nga rajoni”, tha kryetari i Odës së Ndërmarrësve dhe Zejtarëve të Prizrenit, Afrim Tejeci.
Panairi është vlerësuar lartë edhe nga kryetarja e Odës Zejtarëve të Koblenzit të Gjermanisë, Evelina Parvanova.
Ndërkaq, zv. ministri i Ministrisë së Kulturës në Kosovë, Sylejman Elshani, tha se Prizreni edhe më këtë panair po tregon përkushtimin për avancimin e grave në biznes.
Në këtë panair po merr pjesë edhe Posta e Kosovës.
“Posta e Kosovës, falënderon Oda Prizrenit / Chamber of Prizren, që ndërmarrja jonë në mesin e shumë zejtarëve artizanalë, do të ofrojë qytetarëve dhe koleksionistëve të interesuar vendorë dhe ndërkombëtarë, produktet filatelike pullat postare me pamjet më të bukura të vendit, me imazhet e figurave të ndritura të vendit tonë, si dhe për të informuar qytetarët/bizneset për shërbimet e dërgesave online, pagesat, etj”, njofton Posta e Kosovës në Facebook. /PrizrenPress.com/
