Kryetari i Malishevës,Ragip Begaj nuk e përjashton mundësin e shkuarjes në zgjedhje të reja në këtë qytet, nëse opozita vazhdon t’i braktisë seancat e Asamblesë Komunale.
Ai thotë se opozita duhet t’i kryej detyrat e veta,të cilat i ka marrë nga qytetarët në zgjedhjet e 3 nëntorit të vitit të kaluar.
“Nëse opozita vazhdon me bojkotim ne do të respektojmë ligjin dhe do të shkojmë në zgjedhje edhe në një herë. Mua më konvenon me shku në zgjedhje,kurse ata mund të veprojnë qysh t’ia merr mendja”,thotë Begaj për “PrizrenPress”.
Partitë opozitare në Malishevë, kanë braktisur dje seancën e Asamblesë Komunale. Në mungesë të kuorumit,Asambleja është detyruar t’i ndërpresë punimet, në të cilën ishte paraparë të zgjidhet Kryesuesi.
Kryetari Begaj thotë se nuk e ka në plan të bëjë koalicion me asnjë subjekt politik, për të formuar qeverinë e re.
“Kam vendos mos të bëjë koalicion me askënd. Unë nuk përzihem në punët e Asamblesë”.
Begaj thotë se opozita e ka braktisur seancën e Asamblesë Komunale, pa kurrfarë arsye.
“Opozita mund të zgjedh për kryesues cilindo që dëshiron,por nuk mund të më bëjnë presion për të formuar qeverinë e re”.
“S’kanë dhënë asnjë emër për kryesues. E kanë braktisë mbledhjen pa kurrfarë arsye .Unë nuk e kam problem të bashkëpunoj me cilindo emër që do të zgjidhet kryesues”
Sipas tij, opozita nuk po mundet ende të pajtohet me humbjen që ka pësuar në zgjedhjet e 3 nëntorit të vitit të kaluar.
“Ata ende s’po munden m’u pajtu me humbjen,prandaj shpresoj se do të kthjellën. Por nëse nuk kthjellën unë do të veproj sipas ligjit dhe do të shkojë në zgjedhje”./PrizrenPress.com/