Organet e hetuesisë janë duke grumbulluar prova lidhur me rrënimin e objektit të ish -“Jugobankës” në Qendrën Historike të Prizrenit, derisa hetimet për djegien e shtëpisë së familjes Shehu në “Tabakhanë” janë mbyllur pas konstatimit se zjarri është shkaktuar nga nga rrjeti elektrik.
Kryeprokurori i Prokurorisë së Themelore në Prizren, Sylë Hoxhaj , ka theksuar se të dy rastet janë shqyrtuar me kujdes, pasi që në opinion janë ngritur dyshime për shkatërrim të qëllimshëm.
“Me anë të një shkrese Prokuroria ka autorizuar Policinë që të ndërmarrë veprime hetimore për grumbullimin e provave lidhur me rrënimin e objektit të ish-“Jugobankës” në Qendrën Historike të Prizrenit”.
“Ndërsa raporti i hetuesve të policisë , lidhur me djegien e shtëpisë së familjes Shehu konstaton se nuk ka elemente të veprës penale, pasi që zjarri ishte shkaktuar nga rrejti elektrik”, ka thënë Hoxhaj. /Koha Ditore/