Deklaratat e Kryetarit të nderit të Lidhjes Demokratike të Kosovës (LDK), Fatmir Sejdiu që është i gatshme të rikthehet si kryetar i njëmendët i kësaj partie, i ka ironizuar Eqrem Kryeziu, anëtar i Kryesisë së LDK’së.
Ai duke komentuar këto deklarime dhe kërkesën publike të Sejdiut që Kryetari aktual i LDK’së, Isa Mustafa të japë dorëheqjen, ka thënë për Express se ia kanë shtuar edhe vetë atij apetitet për tu bërë i pari i LDK’së.
“Besa kur e këqyrsha se çka folke Sejdiu, mu shtua fortë apetiti për t’u bërë edhe unë kryetar i LDK’së. Po çka kam unë që s’bëhem, unë patate s’jam kah mbjelli këtu”, ka thënë Kryeziu për Express.