Një mjekë në Qendrën e Mjekësisë Familjare “Rexhep Kuqi” në Suharekë është sulmuar gjatë ditës së enjte.
Kështu ka bërë të ditur drejtoresha për Shëndetësi në Komunën e Suharekës, Besa Kuqi, e cila ka dënuar ashpër sulmin ndaj stafit mjekësor.
Ajo ka kërkuar që i dyshuari të sjellët para drejtësisë.
“Sapo u Informova nga koordinatori i QKMF-së se dje është sulmuar njëri nga mjekët në Qendrën e Mjekësisë Familjare “Rexhep Kuçi” në Suharekë. E dënoj ashpër sulmin ndaj stafit mjekësor, duke kërkuar njëkohësisht edhe sjelljen para drejtësisë të atij që e ka kryer këtë vepër te ultë. Dhuna ndaj mjekeve nuk duhet toleruar, për këtë arsye është e nevojshme qe mjekët dhe punonjësit shëndetësor te kenë status te veçantë, i cili do ti sanksiononte juridikisht këto incidente, me qëllim qe raste te tilla te mos trajtohen ne te ardhmen si sulme te thjeshta.” – ka shkruar Kuqi.