Manifestimi ‘Flaka e Janarit’, fillon më 11 janar në Gjilan, me hapjen simbolike të flakës, për të vazhduar me aktivitete të ndryshme kulturore deri më 31 të këtij muaji.
Gjatë këtyre ditëve janë paraparë të bëhen homazhe te varrezat e dëshmorëve dhe te lapidarët në qytet, për të vazhduar me aktivitete të ndryshme, si me panelin e flakës që bëhet në galerinë e qytetit duke hapur ekspozitën kolektive të arteve pamore dhe shpalljen e fituesve për skulpturë, pikturë dhe fotografi.
Vazhdon edhe me festivalin e muzikës për fëmijë, duke lënë hapësirë edhe për festivalin e ansambleve folklorike, dhe shumë aktivitete të tjera.
Ndërsa, me 31 janar mbahet ora e madhe letrare, ku do të shpallen rezultatet e konkursit letrar për poezi dhe tregim të shkurtër, në ora 16:010, dhe vazhdon në orën 19:00 përmbyllja e manifestimit me festivalin e muzikës popullore.