Kryetari i Komunës së Malishevës, Ragip Begaj, sot edhe zyrtarisht ka prezantuar qeverinë komunale, me të cilën do ta udhëheq këtë komunë për katër vitet e ardhshme.
“Ju uroj suksese dhe bashkëpunim të sinqertë të gjithë drejtorëve të emëruar. Kemi marrë besimin e qytetarëve dhe do të jemi të gatshëm të japim përgjegjësi para tyre për premtimet e dhëna gjatë fushatës elektorale”, ka thënë kryetari Begaj, me rastin e emërimit të drejtorëve të rinj.
Drejtorët e drejtorive, të emëruara nga kryetari Begaj, janë: Drejtoria për Arsim dhe Edukim- Blerim Thaçi, Drejtoria për Administratë – Ekrem Kastrati, Drejtoria për Ekonomi dhe Financa – Vesel Krasniqi, Drejtoria për Shëndetësi dhe Mirëqenia Sociale – Hajdin Berisha, Drejtoria për Gjeodezi dhe Kadastër – Fadil Shala, Drejtoria për Mbrojtje dhe Shpëtim – Ahmet Morina, Drejtoria për Urbanizëm – Urim Kastrati, Drejtoria për Bujqësi dhe Pylltari – Hajrullah Mazreku, Drejtoria për Kulturë, Rini dhe Sport – Blertë Krasniqi, Drejtoria e Shërbimeve Publike – Milazim Morina dhe Drejtoria e Inspektoratit – Sejdi Paçarizi.