Dega e PDK’së në Malishevë ka reaguar pas largimit nga puna të disa prej drejtorëve nëpër disa sektorë të kësaj komune.
Sipas PDK’së, Haxhi Ragip Begaj po bën diferencime politike pasi po i largon njerëzit vetëm pse nuk janë përkrahës të tij.
“Largimi nga puna i Drejtorit te QPS në Malishevë, z. Agron Kryeziu, është edhe një rast tjetër i hakmarrjes ndaj kuadrove të Malishevës që po i bënë kryetari i ri i kësaj komune z. Ragip Begaj. Kjo vije menjëherë pas largimit jo vetëm nga pozita e drejtorëve por edhe nga puna e drejtorëve të drejtorive të cilët krahas përvojës së gjatë të punës posedojnë përgatitje të lartë profesionale”, thuhet në reagimin e PDK’së.
Sipas tyre, kreu i Iniciativës Qytetare dhe kryetari i ri i Malishevës Ragip Begaj, jo vetëm që po hakmerret ndaj njerëzve profesionist që nuk mendojnë si ai, por po krijon edhe probleme sociale dhe po e shton numrin e të papunëve duke favorizuar me ketë rast vetëm bashkëmendimtarët e tij dhe duke i eliminuar bashkëluftëtaret dhe bashkëpunëtoret e deridjeshëm.
“Dega e PDK-se ne Malisheve dënon ashpër aktin e largimit nga puna të juristit dhe drejtorit të QPS-ës, z. Agron Kryeziu duke kërkuar edhe njëherë nga kreu komunal qe t’i ndërpres diferencimet e pashembullta politike që po i ndërmerr kohëve të fundit”/PrizrenPress.com/