Partia Demokratike e Kosovës në Malishevë, ka vendosur që të zhbllokojë zgjedhjen e kryesuesit të Legjislativit të kësaj Komune. Këtë e ka konfirmuar kryetari i Degës,Isni Kilaj.
“Qëllimi i vetëm i pjesëmarrjes sonë në seancë ku parashihet zgjedhja e kryesuesit është tejkalimi i ngërçit politik e institucional dhe mosshkuarja e komunës në zgjedhje të reja”, ka thënë Kilaj, transmeton KD.
Komuna e Malishevës as për të tretën herë nuk ka mundur të zgjedh kryesuesin për shkak bojkotimit të punimeve të opozitës. Seanca e katër për zgjedhjen e kryesuesit është caktuar të mbahet të mërkurën e kësaj jave.
Isni Kilaj ka thënë se PDK-ja nuk ka vendosur ende se a do të ketë kandidatin e vetë për kryesus të Kuvendit Komunal. “Për këtë do të marrim vendim si subjekt,por ende nuk e kemi marrë një vendim të tillë”. /PrizrenPress.com/