Drejtoria Rajonale e Policisë në Prizren, së bashku me Njësinë Rajonale të Komunikacionit Rrugor dhe stacionet policore të saj, gjatë periudhës 15.07.2024-21.07.2024, në kuadër të planit operativ “Rrethi 2024”, ka realizuar aktivitete në zonën e përgjegjësisë që mbulon katër komuna në rajonin e Prizrenit.
Gjatë kësaj periudhe, janë shqiptuar 1,956 gjoba për shkelësit e rregullave të trafikut rrugor.
Në përputhje me këtë plan, nga 13.07.2024 deri më 19.07.2024, janë ekzekutuar 56 urdhëresa të gjykatave për vepra të ndryshme penale.
Drejtoria Rajonale e Policisë në Prizren do të vazhdojë të intensifikojë aktivitetet policore në terren, me qëllim parandalimin e dukurive negative dhe sigurimin e një ambienti të qetë dhe të sigurt për të gjithë qytetarët në rajonin e Prizrenit.