Murat Gashi
Shok të pata gjithë jetës, dëgjo të lutem diçka.
Në të pritsha vitin tjetër, tash i moshuar,
M’a sjell dashurinë, në vendlindje o mik!
Në takim i gëzuar, i lumturuar, me ty të jem.
Edhe nëse dëgjon në heshtje, vazhdo rrugën.
Deri këtu më ke ndjek dhe të kam ndjek.
Pas teje tash e ka radhën dimri,
Vjeshtë e dashur, nuk më ke faj që jam moshuar.
Kështu rrij zgjuar e të përgjoj si shkon,
Gjersa unë moshën time e përcjelli.
Po ndiej pak ftohtë, nuk e di si vjen dita nesër.
E shoh një plagë që shumë e besoj.
Ti djep i lindjes, i ndritshëm dhe i vuajtjes sime,
Më ruaj një vend ku përqafon çdo qetësi,
E ti qytet ku kalova një jetë në gjiun tënd.
Mi ruaj kujtimet, lamtumirën me dashuri….