Kampioni i Kosovës, Bashkimi ka vazhduar në formë të lartë në Liga Unike Femrat, ku fitoi ndaj Flamurtarit në Vlorë me rezultat 55:65 (18:9, 9:18, 14:20, 14:18), në javën e gjashtë.
Vendaset e nisën ndeshjen më mirë, duke e fituar çerekun e parë, 18:9, derisa e kundërta ndodhi në periudhën e dytë, me prizrenaset që u kundërpërgjigjën 9:18. Kampionet e Kosovës ishin më të mira në pjesën e dytë, përkatësisht periudhën e tretë 14:20, si dhe të fundit 14:18, për të fituar me dhjetë pikë dallim 55:65.
Më e mira te vendaset ishte Desiree Ramos me 15 pikë, 15 kërcime e pesë asistime, kurse te mysafiret më e mira ishte Adrienne Godbold me 22 pikë, gjashtë kërcime e katër asistime.
Vlonjatet kanë tri fitore e tri humbje, kurse prizrenaset gjashtë fitore e një humbje./PrizrenPress.com/
Marketing
