Ministri i Punëve të Brendshme, Bajram Rexhepi, Zëvendëskryeministri i Kosovës, Hajredin Kuçi dhe Drejtori i Përgjithshëm i Policisë së Kosovës, Shpend Maxhuni priten sot një delegacion nga SHBA-ja për bashkëpunim kundër terrorizmit në përbërje të përfaqësuesve nga Departamenti i Shteti, Departamenti i Drejtësisë, Qendra Kombëtare e SHBA-ve Kundër Terrorizmit, Departamenti për Siguri Kombëtare dhe Byroja Federale e Hetimeve.
Delegacioni u takua me udhëheqësit e Republikës së Kosovës, si pjesë e angazhimit të tij me disa vende të rajonit. Takimi u fokusua në nxitjen e bashkëpunimit të vazhdueshëm në sektorin e sundimit të ligjit, ngritjen e kapaciteteve, sigurinë e kufijve, kundër terrorizmit si dhe nismave të tjera rajonale të sigurisë.