Aulona Muhadri ka qenë lojtare kyçe në fitoren e Bashkimit ndaj Penzës në derbin e xhiros së 14-të të Superligës së Femrave. Kampionet siguruan një fitore të rëndësishme me rezultat 80:72, duke forcuar pozitën e tyre në krye të tabelës, përcjell PrizrenPress.
Muhadri shkëlqeu në parket me 12 pikë, 15 kërcime dhe 3 asistime, duke u shpallur MVP e ndeshjes. Performanca e saj ishte vendimtare për fitoren e Bashkimit, i cili tashmë numëron 13 fitore dhe vetëm një humbje këtë sezon.
Me këtë paraqitje, Bashkimi konfirmon dominimin e tij në kampionat, ndërsa Muhadri vazhdon të dëshmojë vlerën e saj si një nga lojtaret më të rëndësishme të skuadrës./PrizrenPress.com/
