Policia e Kosovës ka njoftuar se në magjistralen Prizren-Gjakovë ka identifikuar përmes radarit mobil një ngasës të automjetit transportues duke bërë tejkalim të parregullt në vijën e plotë, të cilit krahas shqiptimit të gjobës për kundërvajtje i është konfiskuar edhe patentë shoferi për 3 muaj.
“Me 20 mars 2025, rreth orës 08:17, Njësia e Trafikut Rajonal në Prizren, gjatë patrullimit në rrugën Prizren – Gjakovë, në fshatin Piranë të Prizrenit, ka identifikuar kundërvajtësin Q.Th., i cili me mjetin transportues bënë tejkalim të rrezikshëm në vijë të plotë. Radari Mobil ka incizuar kundërvajtjen e shkaktuar. Kundërvajtësit i shqiptohet fletëparaqitja për kundërvajtje sipas dispozitave ligjore dhe i konfiskohet patentë shoferi për 3 muaj”, thuhet në njoftimin e Policisë së Kosovës.
Njëherësh i ka bërë thirrje të gjithë shoferëve që të respektojnë rregullat dhe shenjat e trafikut.
