Sektori Rajonal i Hetimeve të Drejtorisë Rajonale në Prizren, në bashkëpunim me Drejtorinë për Hetimin e Krimit të Organizuar dhe Krimeve të Rënda dhe Prokurorinë Themelore në Prizren, kanë realizuar një operacion policor për arrestimin e dy personave të dyshuar, F.K., lindur në vitin 1996, dhe B.K., lindur në vitin 1974, të dy kosovarë, për dyshimin se janë përfshirë në veprën penale “Fajde” sipas nenit 331 të Kodit Penal të Republikës së Kosovës.
“Gjatë operacionit, në automjetin e njërit prej të dyshuarve është gjetur dhe konfiskuar një armë zjarri pistoletë PIETRO BERETTA GARDONE dhe 13 fishekë”, thuhet në njoftimin e policisë, përcjell PrizrenPress.
“Po ashtu, gjatë kontrollit të shtëpive dhe objekteve të tjera të dyshuarve në dy lokacione të ndryshme në Prizren, janë gjetur dhe sekuestruar një pushkë ajrore model N-01 S, 42 fishekë të kalibrit 9×19 mm, një fishek i kalibrit të panjohur dhe dy automjete që dyshohet të kenë lidhje me rastin”.
“Ndaj të dyshuarve, pas intervistimit, me aktvendim të Prokurorit të Shtetit është caktuar masa e ndalimit për 48 orë”, përfundon njoftimi i policisë./PrizrenPress.com/
