Superfinalet e “Play-off”-it në ProCredit Superligën e Kosovës janë në kulmin e tyre, dhe përballja mes Bashkimit dhe Trepçës po vazhdon të ofrojë emocion dhe dramë. Aktualisht, Trepça udhëheq me një seri 2-1, duke pasur mundësinë të mbrojë titullin kampion, raporton PrizrenPress.
Në takimin e parë, Bashkimi fitoi me rezultatin 84-77, ndërsa Trepça reagoi në dy ndeshjet e tjera duke mundur prizrenasit 79-72 dhe 88-71, duke marrë epërsinë e terrenit për ndeshjet e ardhshme.
Në një deklaratë për media, Bashkimi shprehu përkushtimin dhe motivimin e tij për ndeshjen e katërt.
“Udhëtimi ynë vazhdon në Mitrovicë – të bashkuar, të motivuar dhe të etur për më shumë! Seria është 2-1, por rruga nuk ka përfunduar – gara vazhdon! Jemi të gatshëm të luftojmë çdo sekondë, me djersë, përkushtim dhe besim!”- deklaroi klubi prizrenas.
Tani, Bashkimi do të kërkojë barazimin e serisë dhe një hap të mëtejshëm drejt titullit kampion, ndërsa Trepça do të synojë fitore për të mbajtur më afër mbrojtjen e trofeut.
Ndeshja e katërt do të zhvillohet sot në palestrën “Minatori” në Mitrovicë, nga ora 19:00./PrizrenRess.com
