Në historinë e luftës së shqiptarëve për liri dhe drejtësi, emri i Besim Paçarizit do të mbetet një simbol i guximit dhe sakrificës.
Ai ishte një nga të burgosurit politikë në Dubravë, ku u masakrua nga regjimi serb në vitin 1999, duke u bërë një nga mijëra viktimat e krimeve të organizuara kundër shqiptarëve gjatë luftës në Kosovë.
Skender Sallauka, shok dhe bashkëveprimtar i heroit Besim Paçarizi, e vlerëson lart sakrificën e tij.
Në një shkrim në ‘Facebook’, ai tregon se ekzekutimi i Paçarizit ishte pjesë e politikës së terrorit të ushtrisë dhe regjimit serb, që synonte thyerjen e shpirtit të rezistencës shqiptare.
“Me gjithë torturat dhe vuajtjet, besnikëria e tij ndaj çështjes kombëtare e bëri atë një simbol të qëndrueshmërisë”, shkruan ai në Facebook.
Veç heroizmit të Besim Paçarizit, edhe familja e tij ka dhënë një kontribut të çmuar në çështjen kombëtare.
“Në vitet ’80, kur Kosova po kalonte një periudhë të vështirë ekonomike dhe politike, ata ndihmuan familjet e varfra, ofruan ushqim dhe mbështetje për më të prekurit. Ky veprim nuk ishte thjesht një akt mbijetese, por edhe një formë rezistence – duke ruajtur unitetin shqiptar në kohë kur shtypja serbe përpiqej ta thyente atë”