Një nga lëvizjet më të bujshme të merkatos verore në basketbollin e femrave në Kosovë është zyrtarizuar sot, Arbnore Perquku, lidere shumëvjeçare e Bashkimit, i është bashkuar zyrtarisht klubit ambicioz Peja 03.
Klubi nga Peja e bëri të ditur lajmin përmes një njoftimi entuziast, duke e prezantuar Perqukun si një prej emrave më të mëdhenj të basketbollit në vend dhe si një shtyllë të rëndësishme për projektin e tyre të ri.
“KBF Peja 03 ka kënaqësinë të prezantojë një nga emrat më të mëdhenj të basketbollit të Kosovës, lideren e padiskutueshme dhe një nga lojtaret më të kompletuara të vendit – Arbnore Perquku!”, thuhet në njoftim, raporton PrizrenPress.
Perquku largohet nga Bashkimi pas shumë vitesh ku shërbeu si lojtare kyçe e ekipit. Gjatë kohës në Prizren, ajo fitoi tituj kampioni, kupa, dhe përfaqësoi klubin me dinjitet edhe në garat ndërkombëtare, përfshirë ligën rajonale WABA.
Kalimi i saj në Pejë shihet si një hap i guximshëm, por edhe sfidues për basketbollisten me përvojë, që tashmë do të drejtojë nga parketi një ekip në rritje.
“Me përvojën e saj të jashtëzakonshme dhe mentalitetin e fitueses, Arbnorja do të jetë pjesë kyçe në rrugëtimin tonë drejt synimeve më të mëdha, brenda dhe jashtë Kosovës”, shton njoftimi i klubit pejanas.
Ky transferim pritet të ndikojë jo vetëm në ecurinë e Pejës në sezonin e ri, por edhe të trazojë balancat në Superligën e Femrave, ku dominimi i Bashkimit mund të vihet në pikëpyetje pas largimit të një prej figurave më emblematike të tij./PrizrenPress.com
Marketing
Banesat më të kërkuara në Prizren – Bëhu pronar në Foleja Residence!
NISU – Çdo natë për Ulqin me Bashkimi Reisen nga 27 qershori!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/