Në Prizren ka nisur edicioni i pestë i Autostrada Biennale, një ngjarje e rëndësishme e artit bashkëkohor, që këtë vit shënon edhe 10-vjetorin e themelimit të saj.
Nën kurimin e Erzen Shkolollit, ekspozita është e hapur nga 5 korriku deri më 5 tetor 2025 dhe zhvillohet në disa prej hapësirave më të rëndësishme kulturore e historike të qytetit: Muzeu Arkeologjik, Sahatkulla, Shtëpia e Shani Efendiut, Shtëpia e Familjes Dorambari dhe Hamami i Gazi Mehmed Pashës.
Sipas MKRS, kjo bienale sjell së bashku artistë nga vende të ndryshme dhe breza të ndryshëm, për të reflektuar mbi rrëfimet historike, politike dhe kulturore të qytetit dhe rajonit.
“Një nga risitë qendrore të këtij edicioni është edhe Autostrada Hangar, Qendra për Art Bashkëkohor në Parkun e Inovacionit dhe Trajnimit në Prizren, që tashmë funksionon si hapësirë e përhershme për artin, edukimin dhe dialogun kulturor”, thekson në njoftim Ministria e Kulturës.
Më tej në njoftim thuhet se me veprat e tyre, artistët pjesëmarrës ndërtojnë ura të reja mes së kaluarës dhe të tashmes, duke shtruar pyetje mbi kujtesën, përkatësinë dhe transformimin shoqëror përmes gjuhës së artit.
Autostrada Biennale mbështetet nga Ministria e Kulturës./PrizrenPress.com
Marketing
Banesat më të kërkuara në Prizren – Bëhu pronar në Foleja Residence!
NISU – Çdo natë për Ulqin me Bashkimi Reisen nga 27 qershori!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
