Megjithëse kanë kaluar mbi dy vite, një tender i Komunë së Malishevës nën drejtimin e Isni Kilajt të PDK’së është ri-kthyer në hetim administrativ nga Komisioni i Prokurimit Publik, tender ky që i ishte dhënë në mënyrë të parregullt e me kritere paushall një financuesi të PDK’së.
Isni Kilaj më nuk është kryetar i Malishevës, por e kaluarae tij në krye të kësaj komune që tash ia ka marrë Ragip Begaj nga Iniciativa Qytetare për Malishevën (IQM), subjekt i përkrahur nga ish-deputeti i PDk’së, Fatmir Lmaj, po e ndjek pas.
Në vitin 2012 ai shpërbleu financuesin e PDK’së, kompaninë “Jehona” në pronësi të Hazir Krasniqit me një tender prej afro 350 mijë eurosh për asfaltimin e rrugëve në fshatin Bubavec, Kijevë e Balincë, por Komisioni I Prokurimit Publik gjen që tenderi ishte i parregullt. Bile konstaton që matja e punëve për financuesin e PDK’ës u bë paushall.
“Në paramanën dhe parallogaritë e rrugës në fshatin Bubavec, në pozicionet 2 dhe 3si“Njësi” është përdorur “Paushall” edhe pse ka mund të përdoret ndonjë njësi tjetër qëi përgjigjet atij veprimi. Nëkëtë rast autoriteti kontraktues ka vepruar në kundërshtim me nenin28.2 të LPP-së Nr. 04/L-042”, thuhet në raportin e këtij institucioni.
Po për këtë tender Komuna e Malishevës, nën drejtimin e Isni Kilajt , sipas raportit, ka shkelur edhe rregulla të tjera të prokurimit publik, duke kërkuar më pakë vlerë për sigurimin e tenderit, se sa e thotë Ligji i Prokurimit Publik (LPP) dhe duke ulur edhe kërkesën për referencat punëve të kryera nga kompania fituese.
Komisioni i Prokurimit ka hetuar edhe 7 tenderë të periudhës kur me Malishevën qeveriste PDK’ja dhe po thuajse në secilin prej tyre ka gjetur shkelje. Një sër shkeljesh janë evidentuar edhe në hapjen e tenderit për punimin e kanalizimitnë fshatin Plloqicë , që del që njoftimi për dhënie të tenderit të mos jetë publik.
Shkelje u gjeten edhe te angazhimi i kompanisë “Beni” nga Suhareka, në pronësi të Arben Kuçit, për mirëmbajtjen e higjienike të Komunës.
Për shkeljet e bëra në prokurim në gjatë kohës së Isni Kilajt, komuna e Malishevës nuk ka dhënë asnjë koment për Komisionin e Prokurimit.
Ndryshe, kompania për të cilën është shkelur ligji në tenderin për asfaltimin e rrugëve në fshatin Bubavec, Kijevë e Balincë, kompania “Jehona” nga Malisheva e Hazir Krasniqit, për PDK-në në vitin 2009 e 2010 dha 3500 euro donacione derisa në vazhdimësi ka përftuar tenderë publikë nga institucionet që i kanë drejtuar njerëzit e PDK’së.
Komuna e Malishevës nuk ështëe vetmja komunë e PDK’së që ka shkelur ligjin për këtë financues të PDK’së. Kështu, Komuna e Vushtrrisë sipas Zyrës së Auditorit të Përgjithshëm në vitin 2008 kishte pasur telashe me një tender që i dha kësaj kompanie.
“Gjatë auditimit ne kemi vërejtur se për kontratën në mes të Komunës dhe furnitorit NN Jehona Malishevë për ekzekutimin e punëve “Zgjerimi, ndërtimi dhe asfaltimi i rrugës Dëshmorët e Kombit Vushtrri” e cila është investim i përbashkët me Ministrinë e Transportit dhe Telekomunikacionit, garancioni/sigurimi i ekzekutimit të punëve ka skaduar më 30 Shtator 2009 ndërsa sipas datës kur ne bëmë testimin 29 Tetor 2009 puna nuk kishte përfunduar akoma.”, thuhet në raportin e ZAP, ku konstatohet se Vushtrria nuk aplikoi penallti edhe përkundër vonesave të kompanisë./Express/