Kryetari i Malishevës,Ragip Begaj, e vlerëson të vështirë zbatimin e Udhëzimit Administrativ, në të cilën parashihet, që katër të punësuar të bëhen pjesë e stafit të tij me status të përkohshëm.
“Është problem pasi që cilido nga shërbyesit civil që t’i thuash eja në këto pozita të përkohshme , normalisht që nuk do të pranojnë më dëshirën dhe vullnetin e vet të lënë pozitën e përhershme “,tha Begaj.
“Më së miri do të ishte që për këto pozita të lejohej rekrutimi i ri dhe kryetarët t’i përzgjedh, ashtu si i zgjedhin drejtorët e drejtorive komunale e jo të kërkohet nga nëpunësit civil t’i lënë pozitat e tyre të përhershme për të ardhur në një pozitë të përkohshme”.
Begaj tregon se e ka të vështirë të marrë një vendim që të kërkojë nga ndonjë punëtorë, që të lë punën e përhershme për një pozitë të përkohshme. /PrizrenPress.com/