Qeveria e Kosovës po kërkon me çdo kusht nga legjislatura e tashme që të themelojë Tribunalin për krimet e pretenduara të UÇK-së, për të evituar vendimin e Këshillit të Sigurimit të OKB-së, shkruan sot “Koha Ditore”.
Kryeministri Thaçi vazhdon t’u shmanget komenteve në publik për Tribunalin, ndërkohë që kabineti i tij qeveritar është vënë në lëvizje, sidomos pas vizitës së drejtorit për Evropën Qendrore dhe Jugore në Departamentin Amerikan të Shtetit, Jonathan Moor, në Kosovë.
Me përjashtim të “Vetëvendosjes” subjektet tjera nuk kanë qëndrim rreth themelimit të Tribunalit.