Manifestimi tradicional “Ditët e Shqipes”, që organizohej për nder të përkujtimit të luftimeve në Koshare, është anuluar.
Kjo ngase veteranët e brigadës 138 Agim Ramadani, janë të zhgënjyer me miratimin e ligjit për veteranët e luftës së UCK-së, e ku nuk figuron ministria e Mbrojtjes në ekzil dhe forcat e armatosura të Republikës së Kosovës, FARK.
Në njoftimin e lëshuar nga kjo brigadë, thuhet se sipas dëshirës dhe me vullnetin e tyre individualisht do të zhvillohen aktivitete të caktuara në nderim të kujtimit të veprës së dëshmorëve dhe të luftës.
Ish komandanti i kësaj brigade Rrustem Berisha, tha se Aktivitetet e tyre do të përfshijnë vizitën në vendin ku është zhvilluar beteja në Koshare, për të nderuar kujtimin për luftën dhe luftëtarët e dëshmorët.
Berisha deklaroi se i kanë thënë jo organizimit që do të mund të bëhej nën patronatin e kryeministrit Hashim Thaçi, siç u bë vitin e shkuar.