Asambleistët e Lidhjes Demokratik të Kosovës(LDK), nesër do të marrin pjesë në mbledhjen e Asamblesë Komunale. Shefja e GP të LDK-së, Mybera Mustafa tha se LDK-ja do të shkojë në mbledhje dhe do të kërkojë të mbahet mbledhja e jashtëzakonshme.
“Po do të shkojmë në mbledhje dhe do të kërkojmë që të mbahet mbledhja e e jashtëzakonshme që është kërkuar nga opozita për të diskutuar për situatën e krijuar pas dënimit të kryetarit të Prizrenit, Ramadan Mujës”, tha Mustafa për “PrizrenPress”.
Ajo tha se opozita kërkon që të diskutohet situata e krijuar në qytetin e Prizrenit, pas dënimit të kryetarit Ramadan Muja nga Gjykata Themelore e Prizrenit.
Partitë opozitare në Prizren, kanë bojkotuar mbledhjen e Komitetit për Politikë dhe Financa, pas refuzimit që në rend të ditës të hyjë edhe mbledhja e jashtëzakonëshme./PrizrenPress.com/