Aktori i njohur kosovar, Luan Jaha, është mysafiri i radhës i emisionit “Talk”, në KTV.
Aktori ka treguar në këtë emision se janë bërë katër vjet që nuk ka luajtur në teatër. Kjo pauzë, sipas tij, pak ka qenë e planifikuar, por edhe në anën tjetër nuk ka marrë ndonjë tekst, që e ka tërhequr për ta pranuar. Ai nuk ka mohuar faktin se po i mungon teatri, andaj është në pritje të një rasti të mirë për t’u rikthyer.
“Jam plot përbrenda, sepse nuk kam punuar në teatër tash e katër vjet. Dhe, kjo është shumë për një aktor të moshës sime. Unë kam nevojë të luaj”, ka deklaruar Jaha, citon Koha.net.
Por, angazhimet e tij në film nuk mungojnë. Ai është pjesë e filmit “Tri dritare e një varje”, të regjisorit të mirënjohur Isa Qosja, me të cilin ka bashkëpunuar edhe më herët.
Rrëfimin e gjatë privat e profesional të aktorit Luan Jaha, do të mund ta ndiqni të shtunën nga ora 18:15.