Komuna e Prizrenit ka demantuar të dhënat e shpenzimeve të derivateve të veturave, që janë publikuar nga Instituti Demokratik i Kosovës(KDI).
Drejtori i Ekonomisë dhe Financave,Mehmet Bytyç, dhe zëdhënësi i Komunës së Prizrenit,Ymer Berisha kanë thënë se të dhënat e publikuara nga KDI nuk janë të sakta. Sipas tyre KDI nuk i ka interpretuar mirë statistikat e shpenzimeve të veturave të Komunës.
“Për veturat e Administratës janë shpenzuar 46 mijë e 780 euro, ndërsa për shërbime të tjera edhe 23 mijë euro të tjera”, ka thënë Bytyç.
“Me këto të dhëna KDI po i shërben interesave të opozitës në Prizren”, ka thënë Berisha.
Ndërkaq, përfaqësuesit e KDI-së kanë thënë se të dhënat e shpenzimeve të veturave janë marrë nga Komuna e Prizrenit.
Naim Cahanaj ka publikuar dokumentet që janë marrë nga Komuna.
“Këto dokumente janë dhënë pas kërkesës së KDI-së për qasje në dokumente publike, përkatësisht në kartelat analitike të kontos për vitin 2013”
“KDI konsideron se qëndrimet e zyrtarëve publik me dokumentet e ofruara janë kundërthënese dhe me tendencë të minimizimit të rolit të organizatave monitoruese, për raportimet enorme të buxhetit të qytetarëve të komunës së Prizrenit në disa kategori buxhetore”./PrizrenPress.com/