Ministri për Komunitete dhe Kthim, Dalibor Jeviç, sot gjatë një vizite në Komunën e Rahovecit ka dënuar mbishkrimet e vëna në shtëpitë serbe. Sipas tij, pavarësisht këtyre mbishkrimeve kërcënuese, serbët në Rahovec do të jenë të mbrojtur.
Ministri Jevtiç u informua nga kryetarin e Komunës së Rahovecit Idriz Vehapin rreth situatës e përgjithshme në Rahovec, për strukturën parlamentare, si dhe për faktin që kohë më parë ka formuar Komisionin për siguri, ku është i emëruar edhe një anëtarë i komunitetit serb.
Duke folur për sigurinë,Vejhapi tha se situata e sigurisë në komunë përgjithësisht është në një nivel të mirë, por përmendi edhe incidentin e fundit, kur u panë mbishkrime në shtëpitë serbe, gjë kjo që krijojë shqetësim në mesin e pjesëtarëve të komunitetit serb të Komunës së Rahovecit.
Ndërkaq, ministri Jevtiç tha se si ministri përgjegjëse për kthimin e komuniteteve na interesojnë vetëm problemet e komuniteteve pakicë. Ai tha se beson se mbishkrimi është një incident i izoluar, por që veprimet e tilla duhet së bashku të dënohen në mënyrë që mos të përsëriten më.
“Pas mbish krimeve kërcënuese në muret e shtëpive të familjeve serbe në Rahovec,jam këtu sot për të dërguar një mesazh të qartë se serbët në Rahovec do të jenë të mbrojtur, serbët në Rahovec do të kthehen, sepse kjo është shtëpia e tyre. Familja Shutakovic pas zhvendosjes në Obrenovac më në fund mori këtu shtëpinë e vet dhe së shpejti do të presin lindjen e një fëmije. Mbijetesa dhe kthimi i serbëve në Rahovec është i rëndësishme për ne dhe akti i sotëm i dorëzimit të çelësave kësaj familje të kthyer është një thirrje dhe mesazh për të zhvendosurit nga Rahoveci që të kthehen këtu dhe të jetojnë të lirë me fqinjët e tyre. Në këtë më bindi edhe vet kryetari i Komunës së Rahovecit “,ka theksuar Jevtiç, thuhet në njoftim për media nga Ministria për Komunitete dhe Kthim.
Jevtiç informoi kryetarin për planet e Ministrisë për Komunitete dhe Kthim që ka së bashku me Zyrën për Çështje të Komuniteteve pran zyrës së Kryeministrit e që kanë të bëjnë me ndriçimin e rrugës e cila çon në Hoçë të Madhe. Kjo ka qenë një kërkesë e komunitetit gjatë vizitës së komunës vitin e kaluar. Ministria nuk do të bëjë asnjë projekt pa një marrëveshje me qeverinë vendore, sepse qeveria lokale është ajo që di më së miri kush janë prioritetet e komuniteteve në komunë.