Kryetari i Nismës për Kosovën Fatmir Limaj, është shprehur i kënaqur me përkrahjen që NISMA ka filluar të marrë në qytetin e Prizrenit. Ai tha se NISMA është duke u pritur mirë kudo në Kosovë.
“Programi i Nismës si një alterantivë e re politike është duke u pritur mjaft mire dhe po hasë në përkrahje të gjerë në të gjitha shtresat e popullatës e sidomos tek të rinjtë”.
“Nisma do të ndryshojë gjendjen e mjerë që ka kapluar qytetin e Prizrenit dhe Kosovën në përgjithësi”, tha Limaj.
Kryetari i Nismës për Kosovën, Fatmir Limaj, së bashku me anëtarët e tjerë të Kryesisë, ka vizituar Degën e Nismës për Prizren.
Qëllimi i kësaj vizite dhe takimi me Këshillin Drejtues të Nismës për Prizren dhe aktivistë, ishte informimi nga afër në lidhje me aktivitetet e Nismës në Prizren dhe planet për të ardhmen.
Në këtë takim u konkludua se Nisma po vazhdon fuqishëm të shtrijë organizimin në mënyrë mjaft efikase në çdo lagje dhe fshat të Prizrenit.
Limaj këkoi nga anëtarët e Nismës në Prizren, që të vazhdojnë të punojnë edhe më shumë në shtrirjen e këtij subjektik politik.
” Kërkoj që t’iu krijohet hapësirë të gjithë atyre që janë të gatshëm që nëpërmjet Nismës të ndryshojnë gjendjen aktuale në të mire të përmirësimit të jetës së qytetarëve të Kosovës dhe ofrimit të një perspektive më të mirë”, tha Limaj/PrizrenPress.com/