Nesër, në nder dhe kujtim të shkrimtarit me famë botërore, Gabriel Garsia Markezin, Kolumbia do të zhvillojë një ceremoni të posaçme përkujtimore në katedralen e Bogotas. Në këtë ceremoni do të jetë i pranishëm dhe presidenti i vendit Huan Manuel Santos, por nuk është ende e qartë nëse do të marrë pjesë familja e shkrimtarit.
Gjithçka do të shfaqet në televizionin kombëtare. Në ditët e ardhshme, në libraritë dhe parqet e Kolumbise do të zhvillohen “lexime publike” të librave të tij. Një varrim simbolik do të zhvillohet në qytetin e lindjes Arakataka, ne veri te Kolumbise. ishte pikerisht ketu ku ai u frymezua për të krijuar-më pas- Makondon, e rrefyer mjeshterisht në “100 vjet Vetmi”.
Trupi i Markes, përfaqesuesit te realizmit magjik u dogj në një ceremoni private në Meksikë. Ambasadori i Kolumbisë në Meksikë, Hose Gabriel Ortis tha se “familja e Markesit nuk ka vendosur ende nëse hiri i tij do të të ndahet mes vendlindjes dhe vendit adoptiv”.Të afërmit e tij kanë konfimuar se do të qëndrojnë në Meksiko Siti te henen.
Në Palasio de Bejas Artes ku zhvillohet ceremonia përkujtimore. Aty do te marrin pjese dy president; ai i Meksikes Enrike Penja Nieto dhe i Kolumbisë Huan Manuel Santos.Prej kohës Gabriel Garsia Markes ka qenë i sëmure dhe te pakta ishin daljet e tij publike. Javën e kaluar doli nga spitali pas një infeksioni në rrugët e frymëmarrjes dhe ato urinare. Por mjeket thane se shëndeti i tij ishte i dobët.
Te enjten shkrimtari 87-vjeçar ndërroi jete ne Meksike, ku jetoi më shumë se 30 vjet. Ai braktisi Kolumbinë kur mësoi se ushtria do ta merrte në pyetje për lidhjet që ai pati me guerrilasit e majtë. U zhvendos në Meksikë me familjen dhe zgjodhi -siç duket- të mbyllë sytë atje.