Kryetari i Malishevës,Ragip Begaj, ka pritur sot përfaqësuesit e organizatës humanitare Human Appeal International (HAI), selia në Kosovë, me cilët ka biseduar për përkrahjen që pritet, që kjo organizatë të jep për fëmijët jetim nga Komuna e Malishevës dhe kanë biseduar për mundësitë e ofrimit të ndihmës në fushat tjera në Komunën e Malishevës.
“Unë ju falënderoj për vizitën dhe interesimin tuaj, për çdo lloj mbështetje që jepni dhe ne e mirëpresim. Në veçanti e mirëpresim ndihmën për këtë kategori të shoqërisë, të cilët vërtetë kanë nevojë për mbështetje në rriten dhe zhvillimin e tyre”, ka thënë kryetari Begaj, duke ofruar bashkëpunimin e komunës në këtë drejtim.
Human Appeal International (HAI), është organizatë humanitare,e cila vepron edhe në Kosovë dhe kryesisht ndihmon fëmijët jetim, por edhe ofron mbështetje edhe në fusha tjera, të cilat ndikojnë direkt në mirëqenien e banorëve. /PrizrenPress.com/