Nenad Çanak thotë se mandatari për formimin e qeverisë së re serbe, Aleksandar Vuçiq në ekspozenë e tij shumë pak e përmendi Kosovës, më pak sesa të gjithë mandatarët e deritashëm, kurse Vojvodinën nuk e përmendi fare.
Lideri i LSV-së nga një anë e ka falënderuar eskpozenë duke thënë se ishte me gjata që deri më tash u është prezantuar deputetëve si dhe është hera e parë në historinë moderne të Serbisë që kryetari i partisë më të fortë bëhet kryeministër.
Në seancën e përbërjes së re të Kuvendit të Serbisë, të dalë nga zgjedhjet e fundit të parakohshme, mandatari i Qeverisë së re serbe, Aleksandar
Vuçiq, tha se ai personalisht do t’i udhëheqë bisedimet me Kosovën.
Në ekspozenë e tij të gjatë katër orë, kreu i ri i qeverisë serbe bisedimet e deritashme me Kosovën i renditi ndër pesë sukseset e arritura të qeverisë së kaluar, në të cilën ai ishte në postin e zëvendëskryeministrit të parë.
“Pikërisht marrëveshja me Prishtinën ishte një nga sukseset e qeverisë së mëparshme dhe në të ardhmen unë nuk do të ik nga problemi i Kosovës dhe as të fus kokën në rërë”, tha ai.