17.8 C
Prizren
E hënë, 16 Shtator, 2024

Prizreni përfaqëson sot Kosovën në zgjedhjen e Filmit më të mirë Europian

Prizren ura e guritSot Kosova do të votoj për herë të parë në përzgjedhjen e filmit më të mirë Europian përzgjedhur nga të rinjët e 17 qyteteve Europiane.
Aalborg (Danimarkë), Barcelon (Spanjë), Beogradi (Serbi), Bratisllava (Sllovaki), Budapesti (Hungari), Cluj-Napoka (Rumani), Erfurt (Gjermani), Izolla (Slloveni), Londër (Mbretëria e Bashkuar), Prizren (Kosovë), Riga (Latvi), Sofje (Bullgari), Stockholm (Suedi), Tbilisi (Gjeorgji), Tel Aviv (Izrael), Valeta (Maltë) dhe Wroclaw (Poloni) do t’i transmetojnë votat e tyre tek qendra në Erfurt të Gjermanisë, ku moderatori Maciej Stuhr, së bashku me zëdhënësit e jurisë nga Erfurti do të shpallin edhe filmin më të mirë Europian sipas votës së të rinjve nga Europa.

Në Prizren, në kinemanë e qytetit DokuKino, 80 të rijnë nga shkollat e mesme të Prizrenit do të shikojnë filmat, të votojnë dhe në ora 20:00 do të lidhen në live video konferencë me qytetin Erfurt në Gjermani, ku do të ndodh ceremonia e ndarjes së çmimit Young Audience Award. Rita dhe Rigoni që janë zëdhënës të jurisë nga Kosova që do ti shpallin rezultatet e votimit të jurisë së re nga Kosova, duke u lidhur drejtpërdrejt me qendrën në Erfurt të Gjermanisë. Ceremonia e votimit dhe shpalljes së filmit më të mirë Europian do të shfaqet edhe përmes ueb faqes së Akademisë Europiane të Filmit: http://yaa.europeanfilmawards.eu/ Regjisorët kosovarë: Blerta Zeqiri, Kaltrina Krasniqi dhe Ariel Shabani do t’i shikojnë filmat së bashku me të rinjtë, dhe pas çdo filmi do të organizojnë një bisedë me anëtarët e rinj të jurisë, për përshtypjet e tyre nga filmi si dhe në fund të ditës do t’i udhëzojnë ata në vlerësimin e filmave.

DokuFest është një partner i ri i Akademisë së Filmit Europian për këtë eveniment, përderisa Drejtori Artistik i DokuFest, Veton Nurkollari është anëtar i Akademisë Europiane të Filmit që nga qershori vitit 2013. Kjo ngjarje e rëndësishme ndërkombëtare është ndihmuar edhe nga zyra e Bashkimit Europian në Kosovë, përmes projektit Fabrika për të Drejtat e Njeriut – bashkëpunimi ndëretnik përmes rrëfimeve vizuale. Filmi më i mirë Europian, pastaj do të shfaqet edhe për publikun në Prishtinë në kuadër të manifestimit të javës së Europës./KultPlus.com

 

Më Shumë

Kuvendi hap dyert të hënën, shënon Ditën e Demokracisë

Me moton globale “Qeverisja efektive e Inteligjencës Artificiale në të gjitha nivelet”, të hënën, Kuvendi i Kosovës shënon Ditën Ndërkombëtare të Demokracisë. Për ta shënuar...

Familja e profesorit Gani Rudaj akuzon QKUK-në për lirim të parregullt dhe humbje të dokumenteve pas trajtimit

Nga data 27 gusht, profesori nga Prizreni, Gani Rudaj, është raportuar i zhdukur. Ai u pa për herë të fundit ndërsa po trajtohej në...

Lajmet e Fundit