Banorët janë duke shijuar diellin e kësaj të shtune në pishinë dhe bisedojnë për tema të ndryshme. Njëra nga temat që i rikthehen herë pas herë është tradhtia në çift. Mikela mendon se dikush që tradhton nuk e mendon gjatë, sepse ne na tërheq ajo që është e ndaluar. Arditi thotë se është shumë e vërtetë se ,si mashkulli si femra kur e kanë diçka nuk ia dinë rëndësinë.
Arditi tregon diçka personale në lidhje me të fejuarën, të cilën nuk e kishte tradhtuar asnjëherë deri disa muaj para se të ndahej. Arditi shpjegon se në momentin që personi tjetër fik telefonin ose nuk i hap telefonin, atij i ikën truri. Një ditë me të fejuarën i ndodhi diçka e tillë pas një diskutimi, në inat e sipër shkoi piu diçka dhe në këtë kohe e telefonon një shoqe dhe takohen bashkë. Duke diskutuar u afruan shumë afër dhe në moment që do të putheshim ai u largua sepse nuk donte të bënte diçka në nerva e sipër.
Visari thotë se teknologjia e re dhe rrjetet sociale ndikojnë tek jeta në çift. Xhuli, Mikela, Arditi, Nevila e mbështesin këtë mendim dhe Mikela shpjegon që këto dhjetë vitet e fundit mund të jesh në kontakt në çdo orë të ditës me persona të tjerë nëpërmjet telefoni dhe internetit dhe faqeve të ndryshme sociale, dhe kontrolli i rrjeteve ose adresa që përdor partneri është “paranojë”, sidomos nëse je natyrë xheloze.
Visari thotë që në një lidhje është respekti, dashuria dhe besimi. Mikela konstaton se me fat është dikush që e gjen personin e duhur por dhe që e kupton se e ka gjetur. Arditi vazhdon të tregojë se kur bëri zgjedhjen e tij, për tu fejuar ishte 100% i sigurt për atë që bëri. Shkaku kryesor i ndarjes ishte xhelozia e të fejuarës dhe kështu gjërat filluan të ftoheshin.
Enkelejdi është më i drejtpërdrejtë. Ai thotë : “Dashuria është budallallëk, një gënjeshtër që nuk ekziston më”.