Dashuria triumfon 20 vjet pas “Pulp Fiction”. Quentin Tarantino dhe Uma Thurman duhen dhe shumë shpejt këtë do ta bëjnë publike.
Të paktën kështu shkruajnë mediat rozë në Shtetet e Bashkuara, dhe ketë herë është një zë i besueshëm, prestigjozja “Us Weekly”.
Ndër vite Tarantino e ka patur të vështirë të fshehë dashurinë për muzën e tij kinematografike, Uma-n, (kujtoni skenën kur pi nga këpuca e saj) dhe i pytur nga gazetarët mbi romanë me aktoren, në vitin 2004 do të përgjigjej:
“Nuk mund të them që nuk ka romancë mes nesh, por s’mund të them as që ka romancë mes nesh”.
Tani ndoshta mëdyshja e Tarantino-s do të përfundojë pasi sic raporton revista amerikane, cifti ka kaluar disa ditë së bashku në një vilë në jug të Francës pas pjesëmarrjes në Festivalin e Kanës, ku kaluan bashkë në tapetin e kuq.