Të mërkurën diva e muzikës botërore, Jennifer Lopez, ka mbajtur koncertin e saj në kuadër të sezonit “JLo is coming home” duke u rikthyer në vendin ku u rrit dhe duke thënë që “do të jem gjithmonë “Jennifer from the block”.
44-vjeçarja mbajti për herë të parë koncertin në Bronx dhe u shfaq me të njëjtën dizenjo veshjeje si fustani legjendar i Versace-s që artistja mbërriti në tapetin e kuq në “Grammy Awards 2000”. Fustani ekzotik u bë simbol dhe nëpërmjet një sondazhi në Britaninë e Madhe është votuar si një ndër 5 fustanet ikonë të të gjitha kohërave.
Gjatë koncertit ajo ndryshoi disa herë veshjet e saj në varësi të performancave.
Kohët e fundit po përflitet edhe i dashuri i saj ,koreografi Casper Smart, se ka flirtuar me 2 transeksualë. Përsa i përket pretendimeve të tabloideve Smart nuk ka dhënë ende asnjë deklaratë.