Anëtari i shoqërisë civile, Ismet Kryeziu, ka shkruar në Facebook, se largimi i Eqrem Kryeziut nga LDK’ja është mesazh jo i mirë për Partinë e Isa Mustafës.
Madje, ai ka thënë se me largimin e Eqrem Kryeizut do të humbet edhe mendimi filozofik në politikë.
”Largimi i Eqës nga LDK nuk e pasuron mendimin dhe veprimin politik të kësaj partie, përkundrazi është mesazh jo i mirë për LDK dhe politikën kosovare. Për ditë e më shumë politika po e humbë mendimin filozofik e politik dhe po bëhet veprim biznesi, klani e interesi individual duke përjashtuar të mirën e përgjithshme dhe vlerat që synon t’i sjellë shoqërisë”, shkruan Ismet Kryeziu në Facebook.