Fakulteti i Edukimit dhe Gjuha Angleze, janë programet që më së shumti preferohen nga kandidatët në Universitetin “Ukshin Hoti” në Prizren.
Sekretari i Përgjithshëm i UPZ-së,Adem Sallauka,tha se interesimi për t’u regjistruar në këtë institucion të arsimit të lartë është tejet i madh.
“Ky institucion ka kuadro dhe hapësira të mjaftueshme për një funksionim sa më të suksesshëm,përkundër sfidave të ndryshme që përballemi”.
Edhe akreditimi i programeve të reja,vlerësohet një e arritur e këtij universiteti.
Aplikimi onlin për regjistrim në Universitetin e Prizrenit do të përfundojë me 18 korrik,ndërsa afati i dytë i konkursit ende nuk është përcaktuar. Këtë vit në UPZ “Ukshin Hoti” do të regjistrohen edhe 3 mijë studentë të rinj/TV Prizreni/