Pasditen e sotme në aksin rrugor Levan-Fier, pesë persona nga e njëjta familje kanë mbetur të plagosur për shkak se makina me të cilën ata po udhëtonin është përplasur me një tjetër automjet.
Burimet nga policia deri më tani kanë bërë të ditur se makina me targa KV 3146 D, me të cilën udhëtonte familja Hysa, është përplasur me një tjetër makinë me targa të huaja në vendin e quajtur Pylli i Levanit, në aksin Levan-Fier.
Mësohet se si pasojë e aksidentit kanë mbetur të plagosur shtetasit Qani, Sabrie, Franko, Gentjana dhe Julieta Hysa, të cilët u dërguan menjëherë në spital, fatmirësisht jashtë rrezikut për jetën. Policia ka mbërritur në vendin e ngjarjes dhe po punon për të zbardhur shkaqet e aksidentit.