Një oficer policie i komisariatit të Malësisë së Madhe u plagos mbrëmë rreth mesnatës. Kastriot Preçi ndodhet në spitalin e Shkodrës jashtë rrezikut për jetën.
Sipas informacionit zyrtar Preçi dhe një tjetër oficer morën një telefonatë për grabitje tek shinat e trenit. Por, sapo mbërritën aty, në drejtim të tyre u qëllua me armë zjarri, ku për pasojë mbeti i plagosur 45 vjeçari.
Ka dyshime se telefonata ishte bërë për të nxjerrë punonjësin e policisë në pritë me qellim vrasjen e tij. Policia po heton për zbardhjen e telefonatës dhe identifikimin e dy personave të sulmit me armë zjarri.