(E plotësuar) Një grup i të rinjve kanë dalë para rektoratit të UP-së për të kërkuar rritjen e numrit të studentëve në Fakultetin e Mjekësisë, si dhe shqyrtimin e testeve të grupit, pasi sipas tyre kanë qenë dy pyetje gabim.
Zyrtarët e UP-së i kanë ftuar nxënësit brenda në një takim me rektorin ku edhe janë aktualisht.
Sot protestohet para rektoratit të UP-së
Sot duke filluar nga ora 11:00 pritet të filloj një protestë para Rektoratit të Universitetit të Prishtinës nga një grup i maturantëve të cilët nuk janë regjistruar në Fakultetin e Mjekësisë, si dhe disa studentë të cilët tashmë janë pranuar për të kërkuar përmirësimin e testit pranues në këtë fakultet i cili sipas studentëve kishte gabime në 2 pyetje.
Anita Kasumi, përfaqësuese e këtyre të rinjve që kanë paralajmëruar protestë, ka thënë se kërkesa e dytë e tyre është edhe rritja e numrit të studentëve në Fakultetin e mjekësisë në afatin e dytë të regjistrimeve.
Kurse Arianit Beqiri, përfaqësues i nxënësve maturantë, ka thënë se protesta do të filloj nesër dhe do të zgjas me ditë të tëra.
Ndërkohë, prorektori për Mësim në UP, Qerim Qerimi, ka thënë se UP ende nuk ka vendos se si të veproj me studentët, në provimin pranues të të cilëve kishte gabime në pyetje.