Partitë politike që kanë siguruar ulëse në Kuvendin e Kosovës, do t’i ballafaqojnë argumentet dhe kundër-argumentet në Gjykatën Kushtetuese, më 21 gusht.
Partia Demokratike e Kosovës, sipas burimeve të Indeksonline e ka mandatuar Margarita Kadriun, të jetë në rolin e avokates në këtë seancë.
“Margarita është përfaqësuese e PDK-së me 21 gusht në Gjykatën Kushtetuese”, ka treguar shkurt ky burim.
Deri më tani, mësohet se për koalicionin LDK-AAK-Nisma është mandatuar edhe pse jo zyrtarisht, Vjosa Osmani, ndërsa nga radhët e Vetëvendosjes, Albulena Haxhiu dhe Armend Shkoza.
Ndryshe, të gjitha partitë, në këtë seancë do të kenë kohë nga 10 minuta për të mbrojtur qëndrimet e tyre.