Ndërsa ndër shqiptarë mbetet problem fakti se shumë po nisen për në luftëra fetare, të cilat në të vërtetë në të shumtën e rasteve e keqpërdorin fenë, edhe ndër serbë ka një problematikë të tillë të ngjashme.
Shumë serbë po luftojnë në kampet e luftës në Ukrainë, përkrah forcave separatsite ruse.
Mediat serbe raportojnë se ata janë vullnetarë nga Lëvizja çetnike “Jovan Seviq”.
Ministri i Jashtëm i Serbisë, Ivica Daçiç ka bërë me dije se luftëtarë serbë ka edhe në Irak edhe në Siri dhe se të gjithë paguhen.
Fakti se serbët po luftojnë në Ukrainë, nuk është aq çdui, duke ditur lidhjet sllave mes serbëve dhe rusëve, por fakti që serbët po luftojnë edhe në Irak e Siri lë shumë dyshime.
Megjithë faktin e rëndë, kryeministri i Serbisë, Aleksandër Vuçiç është shprehur për mediat se ka informacion se serbët po luftojnë në luftëra të botës, por se ata nuk do të përndiqen penalisht.
Vuçiç theksoi se serbët duhet të kthehen në vendin e tyre, të punojnë dhe të jetojnë për vendin dhe për familjen e tyre.