Gjykata Themelore në Prizren ka zmbrapsur propozimin e akuzës së Komunës së Prishtinës ndaj kryetarit të Bashkësisë Lokale të lagjes “Qendra” në Prishtinë, Shaban Kelmendi, e cila ka të bëjë me një pjesë të parkingjeve publike në këtë lagje, shkruan Koha Ditore.
Problemi ka lindur kur banorët e lokalitetit “Miss Edit Durham” në lagjen “Qendra”, saktësisht ata që jetojnë përgjatë rrugës “Rexhep Luci”, të kryesuar nga administratori i Bashkësisë Lokale, Shaban Kelmendi, kanë dashur të marrin në menaxhim parkingjet publike, duke filluar nga rruga “Rexhep Luci”, deri tek sheshi “Zahir Pajaziti”.
Zmbrapsja e propozimakuzës është bërë me arsyetimin se Avokatura Publike e Komunës së Prishtinës e përfaqësuar nga Hava Krasniqi, ka bërë lëshime teknike. Ndaj, kjo gjykatë i ka kërkuar përfaqësueses juridike të Komunës, që aktin juridik ta drejtojë tek organi kompetent.