Ngjarja e Sarandës, ku sekretari i deputetit kërkonte favore seksuale nga një 14- vjeçare në këmbim të punësimit, ka revoltuar përdoruesit e rrjetit social Facebook.
Ata kanë shfrytëzuar statuset e Kryeministrit Rama dhe faqet e tjera të mediave on line për të treguar dëshpërimin, irritimin dhe ironinë për emërimet në rrethe, por edhe postimet e kreut të qeverisë. Mes qindra komentuesve nuk mungojnë edhe njohës të vjetër të Agron Canes, historia perverse e të cilit duket se nuk është e para. Perikli Gjoka shkruan se e ka njohur Canen që në vitin 1975 kur u përfol për pedofili në shkollën e Livadhjasë.
“Unë e kam njohur Agron Canen që në vitin 1975 në shkollën e atëhershme në Livadhja me problem të kësaj natyre me familjen e një ushtaraku tjetër K. P., pa realizuar asgjë. E pashë në televizor këtu në Athinë ku banoj dhe më bëri përshtypje se si në këtë moshë nuk ka ndërruar zakon dhe më e keqja dhe zonjës që i ka bërë propozimet duhet të jetë nga fshati i tij, Navarica. E gjithë karriera e tij është me shkallë njohje, dhe jo aftësie”, shkruan Gjoka në Facebook./bw/