Na ndajnë edhe pak muaj nga startimi i “Kënga Magjike”, festivalit të përvitshëm muzikor. Ditët e
para të shtatorit janë dhe afatet e fundit të këngëtarëve për të prezantuar produksionet e tyre. Producenti Ardit Gjebrea ka reaguar në “Facebook”, i irrituar nga ‘miqtë’ që tentojnë të ndërhyjnë për t’u bërë pjesë e kompeticionit.
Arditi ka shkruar se me të nuk funksionon strategjia e të pasurit një mik; të gjithë mund të njihen me kriteret e pranimit nëpërmjet faqes online të festivalit. “Për 2 ditë fillojnë pranimet për festivalin ‘Kënga Magjike’. Rregulli dihet: kush ndërhyn Për këngët që të pranohen, ato as nuk kalojnë pranë komisionit, por përjashtohen nga gara. Pak më parë, një i njohuri im ndërhyn për dikë nga Zvicra dhe unë i them: Në faqen zyrtare janë të gjitha rregullat e festivalit.
Tashmë nga Zvicra nuk pushon zilja e telefonit. Sigurisht, unë nuk përgjigjem dhe ky status është për të lajmëruar publikisht të gjithë ‘miqtë’ që, nëse do të ndërhyjnë për të njohurit apo të afërmit e tyre duke më kërkuar favore, me mua nuk funksionon. Jemi në rregull Arben?!”, përfundon mesazhi i tij.